قائمة المدونات الإلكترونية

الأربعاء، 13 أكتوبر، 2010

سمك بالنشا


شريط حياتي كله وانجازاتي الحربيه والفنيه والمعماريه في المطبخ عدي قصاد عيني لما الست ام محمد قالت لي ان الدقيق الي قاليت بيه السمك مش دقيق وانه نشا .... افتكرت اول مره وقفت فيها في مطبخ بيتنا اللذيذ جدا الديق موت الي ما يحتملش غير شخص وااااحد يقف فيه بيفكرني مطبخنا دا بالبناطيل الاسكيني الي البنات بتلبسها بالبيسه يالي ما علينا دع الخلق للخالق ... معلومه مهمه جدا مش لازم اخبيها عليكم المطبخ بالنسبه ليا زمان كان عباره عن ترفيه وتضيع وقت ...رغبه كده في تحطيم الوقت الممل والاستفاده منه في شئ مفيد لكن كان دخولي ليه بالنسبه لامي الله يرحمها والست ام محمد كالعدوان الثلاثي علي مصر علي الحرب الاهليه في امريكا مع حروب طائفيه مش خفيفه في الخلاصه لما بخرج من المطبخ بيكون في حاله ما يعلم بيها الا ربنا من الاخر . اول مره :- اول مره اقف فيها في المطبخ عشان اعمل شوربة شعريه اااااااخ انا اليوم ده لا انساااااه ابدا ما كنتش عايزه ماما توريني عملي قد ما انا عايزه الموضوع يكون شفهي عشان انا اطبق لوحدي .....طبعا عملت زاي في اغنيه طلع الفجر وما سمعتش كلام ماما ولا صبرت علي روحي لحد ما تخرج من الحمام مما ادي الي قاعده كبيره مكونه من الشعريه السوده المحروقه ويعني يا عيني عليَّ كنت ملبوخه اضيع ايه قبل ايه اضيع الريحه ولا الحله المحروقه !!!! ماما الله يرحمها وقتها لا كانت عارفه تضحك او تبكي من صدمتها يا عيني يا حول الله يارب كل الي طلع منها بعد ما وجها اتخطف واصفر " ايه دا ؟" ماقولكومش بقي الابداعات بعد كده ما وقفتش كان ليها توابع من بيض محروق لبطاطس محروقه لبصل محروق للحمه كانت بتتحمر واتحرقت والانجازات ما كنتش بس في دول لا والحمد لله احنا دخلنا علي الحلو حرقت الكيكه والرقاق بالحليب . عارفين مشكلتي مش بعرف اجامل نفسي يعني لو عملت شيء وطلع وحش مش بمد ايدي عليه ابدا . بعد مراحل الفشل دي كلها والخساير الي كنت بخسرها كانت بتعمل عندي حاله من الكأبه اولا وبعدين التحدي ....كان جزء جوايه مقتنع اني فاشله جدا وجزء اخر كان بيقولي لا عادي وايه يعني ياما ناس فشلت ونجحت بعد الفشل ومش بس كده كان في حاله من العصيان علي فتره من الجفاف بطني كانت بتعاني منها صوت مني وقالت بووووووووووووووووريه يا خواتي بوريه من الفول والبطاطس والكشري وكنتاكي ...مش بس بطني هي الي كانت بتشتكي دي كمان عنيه وذاكرتي لما لقيت نفسي نسيت شكل الطبيخ ايه هو ؟؟؟ جات لحظة التحدي الي قررت فيها ان اليوم هايكون نهاية الفشل وبداية صفحه جديده مليئه بالنجاحات هي صحيح مش مليئه قوي ...يعني نقدر نقول اني لسه مش بعرف اعمل الرز ....بس بقيت بعمل اجدع فريك . ابتكرت من الفريك حاجات كتيره جدا ...فريك محشي ...فريك مع الخضار ....شوربة فريك الي اتعلمتها من مرات اخويا ....طاجن فريك . لما سمت العنان لنفسي ابدعت ....ايوة ابدعت تعاملت مع المطبخ والطبيخ كانه حاله فنيه ....حاله من الجنون عملت اصناف جديده زاي بدل الكول سلو بالسكر بعمله بالملح واديته اسم كولو ملح ....والحمد لله عجب ناس كتيره ....زاي طبق عشق الفاصوليا ودا من اختراعي برضوا , كل طبق كنت بعمله كنت بحاول انقي له اسم جميل زاي القصة الي بكتبها وبدور ليها علي اسم وزاي الرسمه الي برسمها وبحاول الاقي ليها اسم ... لما خلعت عن عيني نظاره قديمه بتخليني اشوف الحياة كانها عاديه وممله ....لما خلعتها شوفت الحياة غريبه واطريت البس نظاره تانيه تفهمني الحاجات الغريبه الي مش وضحالي واكتشفت ان الحياة كلها عباره عن ابداع فني والابداع دا او الحاله دي مش بس في الغناء والتمثيل والكتابه والرسم والتصوير ....لا دي كمان في حياتنا اليوميه في الطبخ في الكنس وترويق البيت وتربية الحيوان ...في السواقه ...في العلوم والتسوق والسفر . أأأأأه معلومه مهمه ....السمك لما تعملوه مع النشا بيطلعه مقرمش وجميل . مع خالص حبي هوبتي

الأحد، 12 سبتمبر، 2010

"س" من الريس الي بنت الشعب هوبتي "ج"


اللي بعت الدعوه ؟
الدعوة جات لي من مدونة انا الريس وميرسي يا كبير علي التاج لان الاسئله حلوه .

ما هي كتب الطفولة التي بقيت عالقة في ذاكرتك؟
ولا كتاب مش عارفه اتذكر اي شيء من كتب المدرسه غير كتاب العلوم واما الكتب الي قراتها وانا صغيره فا كان مجلة بلبل

مَنْ أهم الكتاب الذين قرأتَ لهم ؟
كتير جدا ...ااااااااام .... زاي الشاعر عبد العزيز جويده و بدر شاكر وسعاد الصباح ونجيب محفوظ و شكسبير و الكسندر دوماس وهوراس والبول واكيد العقاد

هم الكتاب الذين قررت ألا تقرأ لهم مجددا؟
انيس منصور وعلاء الاسواني مش عارفه ليه مش بحبهم دمهم تقيل علي قلبي قوي زياده عن اللزوم

صحراء قاحلة ، أي الكتب تحمل معك؟
ااااااام كتاب ادعيه لان وقتها هاكون اكتر شيء محتاجاه عشان اصبر نفسي

ما هو الكاتب الذي لم تقرأ له أبدا ، وتتمنى قراءة كتبه ؟
اااااااااام ناس كتيره قوي زاي ان رايس و كتاب الروض العطار لجدي الشيخ محمد النفراوي اصله من الممنوعات ههههههههه و ابن روجد وابو اسحق البطروجي.

ما هي قائمة كتبك المفضلة ؟
كتاب بحبه قوي اسمه بين فدوي والمعداوي ل رجاء النقاش .

هي الكتب التي تقرؤها الآن ؟
والله الواحد في حالة من الصمت يادوب لسه مخلصه الجزء الاول من الف ليلة وليلة بقي وبريح اليومين دول
الدعوة لأربعة مدونين من أجل مشاركتنا بذكرياتهم مع القراءة
اااااااام تقريبا انا هاعمل زاي ما الريس عمل وابعت ليهم بنفسي
بس من هنا هابعت لساسو و الحب الجميل ورامي وجايدا

الجمعة، 28 مايو، 2010

محمد دحلاب


السلام عليكم ...

ازيكم ...ازيكم ... انا جايه بقي افرح معاكم وعندكم


انا كنت من فتره كده عملت اغنيه مع فنان تونسي شاب عظيم اسمه محمد دحلاب وانا وهو اصدقاء جدا


ودا لينك حلقة له علي الراديو




وبيتكلم فيه عن اغنيتنا وهايغنيها وياريت تسمعوها وتسمعوا اغانيه

وتسمعوه لانه هايتكلم عن تجربة في سوبر ستار الي انتاج اول اغنيه وتحضيره لاول البوم ليه.
ملحوظه :- انا الحمدلله وبأذنك يارب اخدت الجنسيه المصريه عن طريق تونس
المصريه هبة نظمي

الخميس، 27 مايو، 2010

تجارب نساء


في إحدي الايام جلستُ انا و صديقاتي لنتحدث في امور عشوائية عن الحياة , حتي رن هاتفي فندفعت مسرعه لأجيب علي المتصل فإذ بيه حبيبي , انهي المخابره و أعود الي صديقاتي .فأجدهن يحدقن بي ينتظرن أن اتحدث عنه لكني ألتزم الصمت حتي تبدأ إحدي صديقاتي بالحديث قائله " اتعلمون قال هوانا سراً و إذ بي خبراً بين الرفاق , إسطوره رواها افاق , سفيه لا يعلم الوفاء " تصمت و تتحدث اخري قائلة بصوت مختنق " قال إمنحيني عمرك و سنين الشباب و سأهديكي عطوراً و زهور دعينا نخوض تجربه جميله و مع الايام فشلة التجربه اخسر عمري ولا يخسر سوي زهور " فبكت و تحدثت التاليه " قال انتي زهرتي الاجمل و الوحيده فأزرع له ورود في الحديقه فيأخذها لغيري و يهديها " ابتسمت و قالت احداهن " قال احبك وختفي و الاخر قالها فمنحته عيناي و عشق بيها غيري و الثالث منحته اجمل شعور فشوَّه بتكبر و غرور ".عم الصمت المكان و تحدثت اخري و هي في تردد من أمرها قائله "ما عساي ان اقول ؟ قال احبك و حبك الاول و الاخير و سأمنحك طفلاً جميل فعشتُ في الحلم سنين أتحسس بطني في كل يومٍ و أنتظر مولودي الصغير و في ليلة من شدة الألم تحسستُ ظهري الوجيع و أذ بخنجر الخيانه المسموم بداخلي منذ سنين "نظرن الي بعضهن ,فقالت اخري أيضاً " قال لحظة الوداع احبك و لن انساكي فأنتي حبي الابدي و بعد شهور قليلة التقينا صدفة فحدق في بشدة و سال " هل التقينا من قبل ؟".فتحدثت اخري و قالت " اما انا فقال احبك و طرتُ بين الغيوم بأجنحة الخيال و في صباح اليوم التالي ضحك و قال عزيزتي امس كان الاول من ابريل " , فأجابتها احداهن قائلة " قال احبك و تزوج من اخري و حين سالت لما ؟ قال الحب شيئ و الزواج شيئ أخر " , فأجابت اخري " اما انا فسحرني بكلمة احبك و بوصفة لي بأجمل النساء و اذكاهم فوثقتُ به ثقة عمياء و منحته بلا حدود وفي قمة سعادتي رحل كلصوص الليل و المساء لاني اغبي امرأة رأها ", فتحدثت اخري قالت " قلت له احبك و انتظرت و نتظرت و نتظرت خشيت ان يقتلني رده فقتلني سم الانتظار فرحلت و حين رحلت ادرك المحال و اني بغيره تزوجت و تزوجت رجل كان يخلص لمن قبلي باصرار فخانته فصار يخون باستمرار كل امراه بعدها "فنظرتُ اليهن جميعاً و قلت .بعد ان مررت ورأيتُ تجاربكن أصبحت أدعهم يقولون " أحبك " و ادع نفسي اقول " احبك " و اسأل اين نهاية الطريق ان كانت مشوشه ارحل و ان كانت واضحه اتبخر .فأنا في الحقيقة اخشي في لحظه من حياتي يختفي او يملني او ينساني بدون انصاف او يخون بدون انذار و ابقي سجينه الانتظار اتوسل الامل ان يعود او انسي و في رحلة النسيان يبقي سؤال " لما و اين و كيف و متي ...حدث ؟" فأتجمد لعدم معرفة الجواب ...وتموت مشاعري هكذا .كموت الزهور والورود في الخريف ....لهذا اختفي وأهرب بقلبي في نهاية او بداية كل تجربه.


بقلم :- هبة نظمي.

الاثنين، 3 مايو، 2010

الذئبه .... خاطره


لما تراني غريبة ؟
لاني أحب بغباء!

لاني ببساطه
أهجر الصباح واهفو اليك في المساء ؟!

لاني اتحول من إمرأة
الي ذئبة
تحاصرك بألف خطوة
من الامام و من الوراء

لاني تاره أخفي اللهفة
وتاره أصرح فعلي لؤم
وأصنفه امامك جفاء

لتحولي تاره اعصاراً
في لحظة رغبة
تتملكني بإشتهاء

لما تراني غريبة
وأنا من نسل حواء

أم إنك أعتدتَ علي تلك النساء ؟!
يأتين إليك ضارعاتٍ بفن البكاء

أنا لستُ كالاخريات
فأنا أتدثر بك
وأخلعك عني في المساء

لو انك حقاً ادم
لفهمت منطق الاشياء

لما صنفتني غريبه
وما ستعجبتني في تلك الاجواء
4 أكتوبر 2008
بقلم :- هبة نظمي

السبت، 1 مايو، 2010

من دفتر فتاة ما .....خاطره




انا انسانة ولكننى ....

فسامحنى ان كنت احرجتك ولكنها لى هوية

واعذرنى ان كنت ارفض ان اقص عليك قصصى المنسيه

وحياتى التى شاركتها مع من مثلى ظلموا فى دنياك الوردية

حكاياتى التى تقتلنى وتريدها لتجعل زكورتك منتشيه


لتجعل منها عبرة و تضحك الناس على انها احاسيس وهمية

فأنا الحقيقه و الواقع ولست صورا بالجنس سخية

ولا انا الا مختلفه عنك فى هويتى الجنسية

فلست شاذة او مريضة ولا سحاقية

فلا تظلمنى دون علم ولا تحكم عليا

ورفقا بفتاة لاتبغى الا رحمة فى عالم منتهية

وحده من خلقنى يحاسبنى فهو اعلم بما فيا

واخيرا أعذرني ولكن نعم انا مثلية


بقلم :- دعاء س

الثلاثاء، 27 أبريل، 2010

عن صديقتي ريهام






بصوا يا جدعان بجد وبأمانه أنا لو اعدت اتكلم من هنا لبكره عن ريهام مش هاخلص بجد ...



أصل البنت دي صاحب صحبه بجد و وقفت جنبي كتير يمكن ناس من بعيد ما يحسوش بدا بس كفاية عليا ان انا الي لمساه بإيدي وعيني وروحي وقلبي .



كفاية ان هي لما بتيجي فرصة حلوة ليها بتفكر في اصحبها بجد ,زاي ما بتفكر في نفسها .



وقفت جنبي كتير بصراحه كنت كل ما اغلط تروح مدياهوملي ماتسميش عليا وهي دي الصداقة بجد .
( أهو هو دا شاروخان الي عامله ازمه لريهام)


انا عارفه ان ريهام بتحب شاروخان ...تصدقوا العباره دي او الجمله دي فيها نغمه رائعه بجد ....ريهام بتحب شاروخان وشاروخان بيحب ريهام ...طبعا هي نفسها في كده والله انا كمان نفسي ولو معايا الفانوس السحري والله كنت جبته ليها او اخليها الزوجه التانيه ليه ...أأأأأأأخ لو بايدي بجد كنت هاعمل كده ....كنت هاخلي ريهام احسن مذيعه لانها تستاهل دا واساعدها عشان تطلع مامتها العمره والحج واساعدها في تحقيق احلمها زاي ما هي بتساعدني في تحقيق احلامي .






انا وريهام بتجمعنا ذكريات ولحظات حلوة قوي قوي نفسي بجد تدوم وبصراحه انا خايفه في يوم الذكريات دي تتبخر ...عشان كده هاتكلم عن اجزاء منها ...وهاحكي عن اجمل حاجة في صدقتي بيها عارفين ايه هي؟ ...ان برغم ان احنا بنزل مع بعض الا اننا مش بنطول في الزعل وبنصارح بعض لان دا واجب اي اتنين صحاب يعملوا كده....كمان بنتحمل بعض وبنسمع لبعض ومش بنزهق حتي لو احنا زهقانين وكفرانين لان دا واجبنا برضوا ....وكمان بنختار الوقت المناسب الي كل واحد يلعب فيه دور المتكلم والتاني يبقي المستمع لان دا لازم يحصل بين اي اتنين اصحاب ....الاحتواء ...انا احتويها ...هي تحتوينا ...احنا الاتنين نحتوي بعض ...تحولنا من "أنا " الي "نحن".






نرجع تاني لذكرياتي مع ريهام واجمل لحظات حياتي معاها بقي .....يوم ما روحنا المعهد الثقافي الهندي ...عشان نعرف شاروخان جاي مصر ولا لا ....ويوم ما تصلت بيا وانا في الشغل ههههههه وتقولي انها قدام الفندق الي شاروخان نازل فيه وبتعيط لانها مش عارفه تقابله ....ولا لما روحنا ماكدونالز وما كنش معايا فلوس وكنت جعانه عزمتني علي الغداء ....والداااااااااايت الي نعمله سوي واخربه انا ههههههههههه....لما جات لي اول ما جيت من السفرررر وقضت معايا وقت جميل...لما خمسنا انا وهي في سندوتش جمبري وجيه واد من الي بيشتغلوا معانا في الذاعه رخم علينا والله نسيت اسمه ايه؟



( دي انا ام نظاره وريهام ام حجاب وبتبسم في وجكم والي في النص عزيزه)


احكلكم علي حاجة كمان ....انا مشرده للبنت ريهام دي علي الاميل والفيس بوك والتاجد اااااايه الله ينور ...علي الفيس كتبت " هوبتي تحب شاهد كابور وريهام عبد المنعم تعشق شاروخان " ...وعلي الاميل "ريهام بتدوب في دباديب شاروخان" بدرجة ان صديقتي هند كانت بتكلمني اول امبارح وشافت صورة ريهام قالت لي " هي دي خطيبة شاروخان؟" اخدتي اللقب اهو يا ستي خطيبة شاااااااروخان .



دا كمان أيه يا ريهام ...الواد شريف زميلي لقيته بيقولي واحنا بندردش ..."والفنان الي بتحبيه من الهند دا اسمه ايه ؟؟ شاروخان اه ...انا شوفت فيلمه وعجبني موت " قلت له اسكت دا مش حبيبي دا حبيب صحبتي ههههههههههههه.



المهم وانا وهو بندردش وبيحكي عن رحلة اسكندريه وبيجيب سيرت البحر وكده وجاب بقي سيرت شاهد كابور وذكر اسمه بطريقة خطأ لقيت نفسي برد عليه ....






" البحر سأل عليا وبعت لي بوسه في المنام ....قالي يا حلوة فينك من زمان ؟ ....قلبك اتسرق مينا خطفه الواد شاروخان؟ ...قلت له اسكت دا مخطوف من زمان ...بس الي عند شاروخان قلب ريهام ....أما قلبي انا وروحي ملك لواد فنان ...لا هو شاهد كابور ولا هو شاروخان ...واد من اهل المغرب كمان ...متشحططت بين مصر ودبي ولبنان ...اقوله بحبك يقولي ميرسي ...اقوله وحشتني يقولي متشكر ياسلام ...كأني مش انسان".






طبعا مش شرط لاني بموت فيه هو يحبي هههههههههههه عارفه والله يا ريهام دلوقتي زمانك بتقولي " كانت من يومين بتقول انا خلالالاص مش هافكر فيه ومش هاعمل ومش هاسوي ....واهي دلوقتي حالا الان بتتكلم عنه تاني ههههههههههه أأأأأه ياني ".






ريهام في النهاية انا عايزه اقولك ان انا بحبك قوي قوي قوي وربنا ما يحرمني منك خالص مالص بالص وادعيلي علطول لان انا محتاجه دعائك ليا.






بحبك



اختك وصحبتك



هوبتي .