"س" من الريس الي بنت الشعب هوبتي "ج"

اللي بعت الدعوه ؟
الدعوة جات لي من مدونة انا الريس وميرسي يا كبير علي التاج لان الاسئله حلوه .

ما هي كتب الطفولة التي بقيت عالقة في ذاكرتك؟
ولا كتاب مش عارفه اتذكر اي شيء من كتب المدرسه غير كتاب العلوم واما الكتب الي قراتها وانا صغيره فا كان مجلة بلبل

مَنْ أهم الكتاب الذين قرأتَ لهم ؟
كتير جدا ...ااااااااام .... زاي الشاعر عبد العزيز جويده و بدر شاكر وسعاد الصباح ونجيب محفوظ و شكسبير و الكسندر دوماس وهوراس والبول واكيد العقاد

هم الكتاب الذين قررت ألا تقرأ لهم مجددا؟
انيس منصور وعلاء الاسواني مش عارفه ليه مش بحبهم دمهم تقيل علي قلبي قوي زياده عن اللزوم

صحراء قاحلة ، أي الكتب تحمل معك؟
ااااااام كتاب ادعيه لان وقتها هاكون اكتر شيء محتاجاه عشان اصبر نفسي

ما هو الكاتب الذي لم تقرأ له أبدا ، وتتمنى قراءة كتبه ؟
اااااااااام ناس كتيره قوي زاي ان رايس و كتاب الروض العطار لجدي الشيخ محمد النفراوي اصله من الممنوعات ههههههههه و ابن روجد وابو اسحق البطروجي.

ما هي قائمة كتبك المفضلة ؟
كتاب بحبه قوي اسمه بين فدوي والمعداوي ل رجاء النقاش .

هي الكتب التي تقرؤها الآن ؟
والله الواحد في حالة من الصمت يادوب لسه مخلصه الجزء الاول من الف ليلة وليلة بقي وبريح اليومين دول

الدعوة لأربعة مدونين من أجل مشاركتنا بذكرياتهم مع القراءة

اااااااام تقريبا انا هاعمل زاي ما الريس عمل وابعت ليهم بنفسي

بس من هنا هابعت لساسو و الحب الجميل ورامي وجايدا

محمد دحلاب

السلام عليكم ...

ازيكم ...ازيكم ... انا جايه بقي افرح معاكم وعندكم

انا كنت من فتره كده عملت اغنيه مع فنان تونسي شاب عظيم اسمه محمد دحلاب وانا وهو اصدقاء جدا

ودا لينك حلقة له علي الراديو

http://www.jawharafm.net/news/2110.html

وبيتكلم فيه عن اغنيتنا وهايغنيها وياريت تسمعوها وتسمعوا اغانيه

وتسمعوه لانه هايتكلم عن تجربة في سوبر ستار الي انتاج اول اغنيه وتحضيره لاول البوم ليه.

ملحوظه :- انا الحمدلله وبأذنك يارب اخدت الجنسيه المصريه عن طريق تونس

المصريه هبة نظمي

تجارب نساء

في إحدي الايام جلستُ انا و صديقاتي لنتحدث في امور عشوائية عن الحياة , حتي رن هاتفي فندفعت مسرعه لأجيب علي المتصل فإذ بيه حبيبي , انهي المخابره و أعود الي صديقاتي .فأجدهن يحدقن بي ينتظرن أن اتحدث عنه لكني ألتزم الصمت حتي تبدأ إحدي صديقاتي بالحديث قائله " اتعلمون قال هوانا سراً و إذ بي خبراً بين الرفاق , إسطوره رواها افاق , سفيه لا يعلم الوفاء " تصمت و تتحدث اخري قائلة بصوت مختنق " قال إمنحيني عمرك و سنين الشباب و سأهديكي عطوراً و زهور دعينا نخوض تجربه جميله و مع الايام فشلة التجربه اخسر عمري ولا يخسر سوي زهور " فبكت و تحدثت التاليه " قال انتي زهرتي الاجمل و الوحيده فأزرع له ورود في الحديقه فيأخذها لغيري و يهديها " ابتسمت و قالت احداهن " قال احبك وختفي و الاخر قالها فمنحته عيناي و عشق بيها غيري و الثالث منحته اجمل شعور فشوَّه بتكبر و غرور ".عم الصمت المكان و تحدثت اخري و هي في تردد من أمرها قائله "ما عساي ان اقول ؟ قال احبك و حبك الاول و الاخير و سأمنحك طفلاً جميل فعشتُ في الحلم سنين أتحسس بطني في كل يومٍ و أنتظر مولودي الصغير و في ليلة من شدة الألم تحسستُ ظهري الوجيع و أذ بخنجر الخيانه المسموم بداخلي منذ سنين "نظرن الي بعضهن ,فقالت اخري أيضاً " قال لحظة الوداع احبك و لن انساكي فأنتي حبي الابدي و بعد شهور قليلة التقينا صدفة فحدق في بشدة و سال " هل التقينا من قبل ؟".فتحدثت اخري و قالت " اما انا فقال احبك و طرتُ بين الغيوم بأجنحة الخيال و في صباح اليوم التالي ضحك و قال عزيزتي امس كان الاول من ابريل " , فأجابتها احداهن قائلة " قال احبك و تزوج من اخري و حين سالت لما ؟ قال الحب شيئ و الزواج شيئ أخر " , فأجابت اخري " اما انا فسحرني بكلمة احبك و بوصفة لي بأجمل النساء و اذكاهم فوثقتُ به ثقة عمياء و منحته بلا حدود وفي قمة سعادتي رحل كلصوص الليل و المساء لاني اغبي امرأة رأها ", فتحدثت اخري قالت " قلت له احبك و انتظرت و نتظرت و نتظرت خشيت ان يقتلني رده فقتلني سم الانتظار فرحلت و حين رحلت ادرك المحال و اني بغيره تزوجت و تزوجت رجل كان يخلص لمن قبلي باصرار فخانته فصار يخون باستمرار كل امراه بعدها "فنظرتُ اليهن جميعاً و قلت .بعد ان مررت ورأيتُ تجاربكن أصبحت أدعهم يقولون " أحبك " و ادع نفسي اقول " احبك " و اسأل اين نهاية الطريق ان كانت مشوشه ارحل و ان كانت واضحه اتبخر .فأنا في الحقيقة اخشي في لحظه من حياتي يختفي او يملني او ينساني بدون انصاف او يخون بدون انذار و ابقي سجينه الانتظار اتوسل الامل ان يعود او انسي و في رحلة النسيان يبقي سؤال " لما و اين و كيف و متي ...حدث ؟" فأتجمد لعدم معرفة الجواب ...وتموت مشاعري هكذا .كموت الزهور والورود في الخريف ....لهذا اختفي وأهرب بقلبي في نهاية او بداية كل تجربه.

بقلم :- هبة نظمي.

الذئبه .... خاطره

لما تراني غريبة ؟
لاني أحب بغباء!

لاني ببساطه
أهجر الصباح واهفو اليك في المساء ؟!

لاني اتحول من إمرأة
الي ذئبة
تحاصرك بألف خطوة
من الامام و من الوراء

لاني تاره أخفي اللهفة
وتاره أصرح فعلي لؤم
وأصنفه امامك جفاء

لتحولي تاره اعصاراً
في لحظة رغبة
تتملكني بإشتهاء

لما تراني غريبة
وأنا من نسل حواء

أم إنك أعتدتَ علي تلك النساء ؟!
يأتين إليك ضارعاتٍ بفن البكاء

أنا لستُ كالاخريات
فأنا أتدثر بك
وأخلعك عني في المساء

لو انك حقاً ادم
لفهمت منطق الاشياء

لما صنفتني غريبه
وما ستعجبتني في تلك الاجواء

4 أكتوبر 2008

بقلم :- هبة نظمي

من دفتر فتاة ما .....خاطره

انا انسانة ولكننى ....

فسامحنى ان كنت احرجتك ولكنها لى هوية

واعذرنى ان كنت ارفض ان اقص عليك قصصى المنسيه

وحياتى التى شاركتها مع من مثلى ظلموا فى دنياك الوردية

حكاياتى التى تقتلنى وتريدها لتجعل زكورتك منتشيه

لتجعل منها عبرة و تضحك الناس على انها احاسيس وهمية

فأنا الحقيقه و الواقع ولست صورا بالجنس سخية

ولا انا الا مختلفه عنك فى هويتى الجنسية

فلست شاذة او مريضة ولا سحاقية

فلا تظلمنى دون علم ولا تحكم عليا

ورفقا بفتاة لاتبغى الا رحمة فى عالم منتهية

وحده من خلقنى يحاسبنى فهو اعلم بما فيا

واخيرا أعذرني ولكن نعم انا مثلية

بقلم :- دعاء س

عن صديقتي ريهام

بصوا يا جدعان بجد وبأمانه أنا لو اعدت اتكلم من هنا لبكره عن ريهام مش هاخلص بجد ...

أصل البنت دي صاحب صحبه بجد و وقفت جنبي كتير يمكن ناس من بعيد ما يحسوش بدا بس كفاية عليا ان انا الي لمساه بإيدي وعيني وروحي وقلبي .

كفاية ان هي لما بتيجي فرصة حلوة ليها بتفكر في اصحبها بجد ,زاي ما بتفكر في نفسها .

وقفت جنبي كتير بصراحه كنت كل ما اغلط تروح مدياهوملي ماتسميش عليا وهي دي الصداقة بجد .

( أهو هو دا شاروخان الي عامله ازمه لريهام)

انا عارفه ان ريهام بتحب شاروخان ...تصدقوا العباره دي او الجمله دي فيها نغمه رائعه بجد ....ريهام بتحب شاروخان وشاروخان بيحب ريهام ...طبعا هي نفسها في كده والله انا كمان نفسي ولو معايا الفانوس السحري والله كنت جبته ليها او اخليها الزوجه التانيه ليه ...أأأأأأأخ لو بايدي بجد كنت هاعمل كده ....كنت هاخلي ريهام احسن مذيعه لانها تستاهل دا واساعدها عشان تطلع مامتها العمره والحج واساعدها في تحقيق احلمها زاي ما هي بتساعدني في تحقيق احلامي .

انا وريهام بتجمعنا ذكريات ولحظات حلوة قوي قوي نفسي بجد تدوم وبصراحه انا خايفه في يوم الذكريات دي تتبخر ...عشان كده هاتكلم عن اجزاء منها ...وهاحكي عن اجمل حاجة في صدقتي بيها عارفين ايه هي؟ ...ان برغم ان احنا بنزل مع بعض الا اننا مش بنطول في الزعل وبنصارح بعض لان دا واجب اي اتنين صحاب يعملوا كده....كمان بنتحمل بعض وبنسمع لبعض ومش بنزهق حتي لو احنا زهقانين وكفرانين لان دا واجبنا برضوا ....وكمان بنختار الوقت المناسب الي كل واحد يلعب فيه دور المتكلم والتاني يبقي المستمع لان دا لازم يحصل بين اي اتنين اصحاب ....الاحتواء ...انا احتويها ...هي تحتوينا ...احنا الاتنين نحتوي بعض ...تحولنا من "أنا " الي "نحن".

نرجع تاني لذكرياتي مع ريهام واجمل لحظات حياتي معاها بقي .....يوم ما روحنا المعهد الثقافي الهندي ...عشان نعرف شاروخان جاي مصر ولا لا ....ويوم ما تصلت بيا وانا في الشغل ههههههه وتقولي انها قدام الفندق الي شاروخان نازل فيه وبتعيط لانها مش عارفه تقابله ....ولا لما روحنا ماكدونالز وما كنش معايا فلوس وكنت جعانه عزمتني علي الغداء ....والداااااااااايت الي نعمله سوي واخربه انا ههههههههههه....لما جات لي اول ما جيت من السفرررر وقضت معايا وقت جميل...لما خمسنا انا وهي في سندوتش جمبري وجيه واد من الي بيشتغلوا معانا في الذاعه رخم علينا والله نسيت اسمه ايه؟

( دي انا ام نظاره وريهام ام حجاب وبتبسم في وجكم والي في النص عزيزه)

احكلكم علي حاجة كمان ....انا مشرده للبنت ريهام دي علي الاميل والفيس بوك والتاجد اااااايه الله ينور ...علي الفيس كتبت " هوبتي تحب شاهد كابور وريهام عبد المنعم تعشق شاروخان " ...وعلي الاميل "ريهام بتدوب في دباديب شاروخان" بدرجة ان صديقتي هند كانت بتكلمني اول امبارح وشافت صورة ريهام قالت لي " هي دي خطيبة شاروخان؟" اخدتي اللقب اهو يا ستي خطيبة شاااااااروخان .

دا كمان أيه يا ريهام ...الواد شريف زميلي لقيته بيقولي واحنا بندردش ..."والفنان الي بتحبيه من الهند دا اسمه ايه ؟؟ شاروخان اه ...انا شوفت فيلمه وعجبني موت " قلت له اسكت دا مش حبيبي دا حبيب صحبتي ههههههههههههه.

المهم وانا وهو بندردش وبيحكي عن رحلة اسكندريه وبيجيب سيرت البحر وكده وجاب بقي سيرت شاهد كابور وذكر اسمه بطريقة خطأ لقيت نفسي برد عليه ....

" البحر سأل عليا وبعت لي بوسه في المنام ....قالي يا حلوة فينك من زمان ؟ ....قلبك اتسرق مينا خطفه الواد شاروخان؟ ...قلت له اسكت دا مخطوف من زمان ...بس الي عند شاروخان قلب ريهام ....أما قلبي انا وروحي ملك لواد فنان ...لا هو شاهد كابور ولا هو شاروخان ...واد من اهل المغرب كمان ...متشحططت بين مصر ودبي ولبنان ...اقوله بحبك يقولي ميرسي ...اقوله وحشتني يقولي متشكر ياسلام ...كأني مش انسان".

طبعا مش شرط لاني بموت فيه هو يحبي هههههههههههه عارفه والله يا ريهام دلوقتي زمانك بتقولي " كانت من يومين بتقول انا خلالالاص مش هافكر فيه ومش هاعمل ومش هاسوي ....واهي دلوقتي حالا الان بتتكلم عنه تاني ههههههههههه أأأأأه ياني ".

ريهام في النهاية انا عايزه اقولك ان انا بحبك قوي قوي قوي وربنا ما يحرمني منك خالص مالص بالص وادعيلي علطول لان انا محتاجه دعائك ليا.

بحبك

اختك وصحبتك

هوبتي .

ميلودي للترفيه والاعلان والتحسيس

الإعلانات ليها دور كبير وفعال في المجتمع المصري ,ليها بصمه خاصه في حياة كل بيت مصري علي حق .

زمان كانت الاعلانات كده " حافظ كيانه سافو والناس دعايله سافو"و"الشمعدان والشبسي ولبان السماره" و"شوكولاته جرسي الناور راح ناكل الجاو" إلي "أغسلي يا أروبه كريازي"و"القطنه ما بكذبش الست نظيفه", لكن في يوم وليلة حصل الي حصل وطلع علي الشاشة واحد شكله انيق ومهندم بيقول نشرة الاخبار وبيعلن عن

"ميلودي ...تصيب بفتور في العلاقة الجنسيه".

هل هذا أعلان؟ أشك , هي حاجة تانيه هي كانت البوابه للنهضة الي علي حق ,فتلك الحمله تلتها حمالات عديده إلي ان وصلنا الي " أيوه كده يا وديع".

في الزمن الملعبك دا الإعلانات بقت غريبه جداً كلها ايحائات جنسية بشعة وعايزين الشباب يغضوا البصر والبنات تبطل بنطلونات ازاي؟ ونرجع نقول ان التحرش الجنسي مش بيقل بيزيد ,ما هو طبيعي يزيد وهايزيد ان شاء الله مع حاملة ميلودي دراما الجديدة "حمزاوي ما تخلينيش اعمل فيك الي عملته في جوز امي ...يا حنان الام احضن...يا روح ماما احلم ...تخدوني لحم وترومني عضم ...مصمصم؟!" هو دا اعلان ؟ ولا ايه بالضبط؟.

الحق علينا بجد .

في البداية دخلت بالفتور بعدين "بالميلودي مان" الي كان ظريف لحد ما في يوم وليلة صحينا علي موزة ميلودي "بوبي" ...طبعاً من المشاكل الي عملتها مع الصحافه زحلقوها وقلنا الحمد لله خلصنا ...لا تفجأت بالحقيقة المره

"عم توهامي باشا صاحب الانتاج السينمائي في مصر والحج وديع وافلامه "

في البداية كان الامر لطيف ما ننكرش الامر بس الي فيه داء مابيبطلوش طبعاً فاهمني ؟! "انا هاخليكي نجمة الموسم وكل موسم ....وياتري انا اسمي ايه بقي؟ الساند علب فخدها ...هو الفيلم دا مافيهوش نسوان يا وديع؟"
ماترد يا وديع ......
سكتنا وصبرنا علي وديع لحد ما جيه في اليوم اياه لقناهم بيعلنوا عن حمله جديده لميلودي دراما .
طيب ونبي ومن نبي النبي وخلاه نبي ...انا عايزه افهم منين الحمله جديده ونظيفه وكلها ايحائات جنسيه؟ , هي القناة دي ايه سياستها بالضبط؟
للتسالي ولا ........ماترد يا وديع .

طيب هي القناة دي ما عندهاش غيره؟ مابتشوفش الاعلانات التانيه وتغير منها وتحاول تقلدها ؟!

يعني مثلاً عندك اعلانات رمضان الي فات "موبينيل " كانت عامله شغل حلو قوي مافيش بيت فيكي يالمحروسه الا لما كان حافظها وبيرددها "ابعد عني الدنيا صيام ...اعمل ايه ؟ الدنيا صيام ....انسي القهوة والكفاين "..."صحوني علي المدفع ...حبيب قلبي "..."يااستاذ ماتخلينيش افطر عليك ...انسي التكاسي ".
بلاش موبينيل اتنين بحرف الميم خالينا مثلا في جلاكسي كل اعلانتها موزز حلوة كده بنات تشرح القلب وتعلي الضغط عند بنات تانيه وتخليهم عين في الجنه وعين في النار ياكلوا منها ؟ ولا لا عشان الرجيم؟.

بلاش كل دول مالها يعني اعلانات اسبرايت ؟ وحشه اسبرايت زاي الفل " دا صحبنا ...ودي صحبتنا"

يالي هانقول ايه علي رأي عبد الفتاح الجريني " أشوف فيك يوم يا ميلودي علي عملته فيا."