قائمة المدونات الإلكترونية

الجمعة، 23 أبريل 2010

ميلودي للترفيه والاعلان والتحسيس


الإعلانات ليها دور كبير وفعال في المجتمع المصري ,ليها بصمه خاصه في حياة كل بيت مصري علي حق .

زمان كانت الاعلانات كده " حافظ كيانه سافو والناس دعايله سافو"و"الشمعدان والشبسي ولبان السماره" و"شوكولاته جرسي الناور راح ناكل الجاو" إلي "أغسلي يا أروبه كريازي"و"القطنه ما بكذبش الست نظيفه", لكن في يوم وليلة حصل الي حصل وطلع علي الشاشة واحد شكله انيق ومهندم بيقول نشرة الاخبار وبيعلن عن

"ميلودي ...تصيب بفتور في العلاقة الجنسيه".

هل هذا أعلان؟ أشك , هي حاجة تانيه هي كانت البوابه للنهضة الي علي حق ,فتلك الحمله تلتها حمالات عديده إلي ان وصلنا الي " أيوه كده يا وديع".

في الزمن الملعبك دا الإعلانات بقت غريبه جداً كلها ايحائات جنسية بشعة وعايزين الشباب يغضوا البصر والبنات تبطل بنطلونات ازاي؟ ونرجع نقول ان التحرش الجنسي مش بيقل بيزيد ,ما هو طبيعي يزيد وهايزيد ان شاء الله مع حاملة ميلودي دراما الجديدة "حمزاوي ما تخلينيش اعمل فيك الي عملته في جوز امي ...يا حنان الام احضن...يا روح ماما احلم ...تخدوني لحم وترومني عضم ...مصمصم؟!" هو دا اعلان ؟ ولا ايه بالضبط؟.

الحق علينا بجد .

في البداية دخلت بالفتور بعدين "بالميلودي مان" الي كان ظريف لحد ما في يوم وليلة صحينا علي موزة ميلودي "بوبي" ...طبعاً من المشاكل الي عملتها مع الصحافه زحلقوها وقلنا الحمد لله خلصنا ...لا تفجأت بالحقيقة المره

"عم توهامي باشا صاحب الانتاج السينمائي في مصر والحج وديع وافلامه "

في البداية كان الامر لطيف ما ننكرش الامر بس الي فيه داء مابيبطلوش طبعاً فاهمني ؟! "انا هاخليكي نجمة الموسم وكل موسم ....وياتري انا اسمي ايه بقي؟ الساند علب فخدها ...هو الفيلم دا مافيهوش نسوان يا وديع؟"
ماترد يا وديع ......
سكتنا وصبرنا علي وديع لحد ما جيه في اليوم اياه لقناهم بيعلنوا عن حمله جديده لميلودي دراما .
طيب ونبي ومن نبي النبي وخلاه نبي ...انا عايزه افهم منين الحمله جديده ونظيفه وكلها ايحائات جنسيه؟ , هي القناة دي ايه سياستها بالضبط؟
للتسالي ولا ........ماترد يا وديع .

طيب هي القناة دي ما عندهاش غيره؟ مابتشوفش الاعلانات التانيه وتغير منها وتحاول تقلدها ؟!

يعني مثلاً عندك اعلانات رمضان الي فات "موبينيل " كانت عامله شغل حلو قوي مافيش بيت فيكي يالمحروسه الا لما كان حافظها وبيرددها "ابعد عني الدنيا صيام ...اعمل ايه ؟ الدنيا صيام ....انسي القهوة والكفاين "..."صحوني علي المدفع ...حبيب قلبي "..."يااستاذ ماتخلينيش افطر عليك ...انسي التكاسي ".
بلاش موبينيل اتنين بحرف الميم خالينا مثلا في جلاكسي كل اعلانتها موزز حلوة كده بنات تشرح القلب وتعلي الضغط عند بنات تانيه وتخليهم عين في الجنه وعين في النار ياكلوا منها ؟ ولا لا عشان الرجيم؟.

بلاش كل دول مالها يعني اعلانات اسبرايت ؟ وحشه اسبرايت زاي الفل " دا صحبنا ...ودي صحبتنا"

يالي هانقول ايه علي رأي عبد الفتاح الجريني " أشوف فيك يوم يا ميلودي علي عملته فيا."

هناك 35 تعليقًا:

  1. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
    بجد انتي تحفه جدا يا هبه
    بجد نايس كومينتات ونايس موضوع

    ردحذف
  2. ههههههههههههههههههههههههههههه

    مووووووووضوع جمييييييييييل جدا

    وانتى تحفه بجد ياا هبه

    ربنا يخليكى ويوفقك يارب

    ردحذف
  3. بصراحه اعلانات ميلودى كلها خنيقه و اوفر

    تضحكى مره عليها و بعد كده تقرفى

    انا لسه مشفتش الحمله الجديده لانى مش بحب ميلودى كلها

    موضوع جميل يا قمر

    ردحذف
  4. عندك حق الاعلانات دي بتخلق حالة من اعتياد القباحة وقلة الادب في المجتمع ومالذلك من نتائج فظيييييييعة احنا بنعاني من دلوقتي ولسه هنشوف ايام مطينة بطيييييييين
    بس تصدقي مشفتش الحملة الجديدة اللي بتقولي عليها هي انيل من تهامي؟؟؟!!!

    ردحذف
  5. لا حبيبتي عندك حق، المشكلة ليست في البيوت المصرية وحدها، كل الدول العربية و المغاربية تتفرج على ميلودي و إعلاناتها الشبيهة بإعلانات الأفلام الإباحية المسموحة للمراهقين للي عندهم 16سنة!!! و يقول جمال مروان إنو ميلودي دراما قناة للأسرة و يريد تغيير الحملة، كيف سيغيرها مع حمزاوي و اللي اسمه احضن و مصمص!!!

    ردحذف
  6. ههههههههههههههههههههه
    صديقتي ساره عنجد معك حق ما بعرف كيف بيفكروا وبدي جواب علي ها الموضوع هم كيف شايفين القناة تبعهم؟

    ردحذف
  7. يا هبة يا حبي ده رأيك انتي
    تسأليني ليه
    علشان لو الإعلانات كانت سببت زهق
    ملل
    قرف
    انصراف الناس عن نسب المشاهدة العالية للقناة
    كانوا احترموا نفسهم
    لكن صدقيني
    كله بينتقدها وكله بيشوفها علشان احنا مجتمع مظهري يتميز بكم محترم من الشيزوفرينيا

    تحياتي

    ردحذف
  8. هههههههههههههههههههههههههههههههههههههههههههههههههههههههههههههههههههههههههههههه
    هند من الاحسن انك ما تشوفيهاش

    ردحذف
  9. ههههههههههههههههههههههههههههههه
    دكتوره ستيته معاكي حق في كل كلمة قولتيها بس مش عارفه اقولك ايه انا بجد دمي محروق منهم
    الوااااااحد بطل يفكر يجيب علي القناة دي خالص من الخلاعه يا ساتر

    ردحذف
  10. اي يا نااااااااايس ميرسي لمرورك انت

    ردحذف
  11. وميرسي ليكي يا علا لمرورك واتمني الا تحرميني منه ابداااااا

    ردحذف
  12. ابراهيم ميرسي لمرورك واتمني الا تحرمني منه

    ردحذف
  13. بوست لذيذ ودمة خفيف وبيعالج قضية مهمة وهيا انحدار الاخلاق بس ده بقى على مستوى عام مش بس فى الاعلانات تعالى عندنا وشوفى بنات جامعة الازهر بتعمل ايه بس برضة زى مفيه الوحش فية الحلو وبالنسبة للمديا فية قناة الرحمة والناس واقراء والمجد وغيرها والى عاوز حاجة بيدور عليها
    كنت عاوز اطلب منك طلب
    البلوج بتاعى مش عارف مالة عدد الكومنتات فية بتظهر مش مظبوتة ولما جيت نشرت بوست عندى مظهرش بشوفة بس لما بدخل على
    edit posting
    ومش عارف اضيف لينكات مدونات عندى حتى كنت عاوز اضيف مدونتك معرفتش
    عموما لو تعرفى حل خدى اليوزر نيم والباس وورد بتوعى واتعاملى انتى لحسن انا خلاص جبت اخرى معاه وابقى ردى عليا فى البلوج عندى لو حبيتى
    سلام

    ردحذف
  14. xجمدددددددددددددددددد موتتتتتتتتتتتتت

    ردحذف
  15. ارموطي اولا ميرسي لمرورك وربنا ما يحرمني منه
    ثانيا من عنيه يا قمر انا هابعت ليك مسج حالا واقولك تعمل ايه

    ردحذف
  16. ايوه كده يا ودييييييييييع قصدى يا هبه

    ردحذف
  17. ميرسي يا مريم لمرورك واتمني الا تحرميني منه

    ردحذف
  18. صباح الخير

    عندك حق ياهبة انا بجد مش بحب بناتى يشوفوها

    اسلوب فظ فعلا للاعلان

    بس بردو زى ما دكتور ستيتة قالت مع انى عندى تحفظ على العلانات دى بس لما بهزر بلاقينى بستعمل مصطلحات زى
    فاهمنى انت يا وديع
    او مااااشي ياوديع

    ههههههههههه

    يعنى في الاخر بردو بشكل او باّخر الاعلانات دى بتستحوذ على اهتمامنا وبنتاثر بيها

    ردحذف
  19. مش عارفه ياريم
    انا كتبت الموضوع دا لان انا مش بس بنت لا انا كمان ام برغم ان انا مثلا ما تزوجتش ولا خلفت بس عندي اخوات واولاد اخواتي اولادي
    بيتحرق دمي لما بلاقي ابن اخويا او بنت اختي جاين يرددوا اعلان زاي بتاع مصمصم دا مثلا؟

    وكمان فيها ايه لما يعملوا اعلان خفيف وكوميدي وغير خادش للحياء؟
    لان الاعلان زاي ما قلنا له تاسير اقوي من اي فيلم او مسلسل او مسرحية او حكمة حتي
    فا ليه ما نعملش شيء مفيد؟؟؟

    وميرسي لمرورك واتمني انك ما تحرمنيش منه

    ردحذف
  20. ÷هههههههههههههههههههه والله معاكى حق يابنتى
    ميلودى كناة دزززززمه وبتنرفز اوى لما الاقى حد بيقول ايوه يا وديع لعى انه بيهزر فكرونى بتامر نيله حسنى لما قال اكتر حاجة بحبها فيكى وتانى يوم الشباب والبنات كان عااااتى جدا يشاور على جسمها بحجه انه بيقلد تيمو
    بجد زودوها
    عايزين نعمل حملة معا ضد ودييييييييع واخواااااته!@!!

    ردحذف
  21. فييين ايام ودييع ياااه ده اهون من اللي بيحصل دلوقتي

    ردحذف
  22. ههههههههههههههههههههه
    والله يا بسومه ليكي حق

    ردحذف
  23. والله يا دكتور حتي اياااااااام ودييييع زبااااااااله

    ردحذف
  24. برافو عليكى تسلم ايدك

    ردحذف
  25. هى دى الاعلانات اللى تعلم فى المخ
    هههههههههه
    حبيبى المدونتى
    فى لقاء داخل جامعة المنصورة يوم الاربع (الاربعاء القادم الموافق 28/4/2010)
    فين؟؟
    بمقر اتحاد الطلاب كلية التجارة . جامعة المنصورة أسفل مدرج المهدي . الساعه 12 ظهراً
    للأستفسار : 0167894669

    ردحذف
  26. ههههههههههههه
    ايوه كده يا وديع

    سوري يا مقدرتش امنع نفسي

    بس بجد هو ده الكلام

    هو ده الي بقول عليه

    حمله ع الاعلام

    بجد التي في حاجه مهم في كل بيت

    وبشكل ده احني بنبي جيل

    كله مولدي مان وبوبي

    واكيد مامي نحله

    انا قلت الدنيا خربانه
    تحياتي

    اتمني التوفيق

    ردحذف
  27. تخيلي بقى إن صاحب شبكة ميلودي ديه - جمال أشرف مروان - يبقى حفيد جمال عبدالناصر !!!!!!!!!!!!!

    ردحذف
  28. العسيوي
    والله مش عارفه اقولك ايه؟
    بس لو الاعلانات دي هي الي بتعلم في الدماغ مش عايزنها

    ردحذف
  29. lostlove
    بصي مش انتي لوحدك بصراحه الي مش بتقدري تمنعي نفسك بجد ههههههههههههه
    انا ساعات بستخدمها يعني بس لما تبقي الحاجة اوفر قوي بقي بتنرفز

    ردحذف
  30. اااااام والله يا شريف ما اعرف جايز الله اعلم
    كل شيء ممكن في الحياة

    ردحذف
  31. هههههههههههههههههه
    بجد قناه اعلانتها اصلا عاوذ يتولع فيها
    ولو تابعت اساشا الحمله الجديده هتلاقيهم بيناقضو نفسهم
    يجي يقولو موش عوذين نعمل سفاله...يراااااااااجل
    علشان المعلنين عوذين كدا...هي بقت كدا خلاص؟؟؟؟
    انتي تعرفي بقي مين بوبي الجديده
    خليييييييها موفجأه
    علشان هتكون كدا فعلان:))

    ردحذف
  32. ههههههههههههههههههههههههههههههههههههههههههههههههههههههههههههههههههههههههههههههههه
    وانت تعرف مين هي بوبي الجديده؟؟
    اوعي تكون حد انت تعرفه؟

    ردحذف
  33. جااااااااامده اوى
    بجد قناة ميلودي كلها باعلاناتها بافلامها ببابا غنوجها كدا بقت بتجيبلي صدمات و شلل رباعي
    حاجه تجيب الضغط بجد مش فاهمه ايه دا

    ردحذف

هاي عليكم ازيكم؟ انا الحمد لله بخير واحب انكم تكونوا بخير

بصوا بقي مش بحب المجاملات ومش بعرف الف وادور ولا ازوق الكلام فا ياريت لو سمحت الي هايسيب لي تعليق يتكلم بصراحه ولو في اي ملحوظه يقولها بس بلطف لان انا الكلام الحاد مش بيجيب معايا نتيجه ومش بفهمه لا دا بيخليني ازعل واعيط

ميرسي لزوقك وحسن الاستيعاب
حبيبتكم
هوبتي